Գլխավոր
Մեր Մասին
Մրցաշարեր
Նկարներ
Կապ

Բարի գալուստ...

Բարի գալուստ շախմատի ակադեմիայի գլխավոր էջ:

Սմբատ Լպուտյանի նախաձեռնությամբ և Հայաստանի կառավարության օժանդակությամբ 2002թ. հիմնադրված շախմատի ակադեմիան Հայաստանում այսօր համարվում է լավագույն կենտրոններից մեկը: Ակադեմիայի նպատակները շատ բազմազան են` ապագա շախմատիստների ձևավորումից մինչև Հայաստանի ճանաչումը որպես շախմատի գերտերություն, բարձր մակարդակի շախմատային մրցաշարերի կազմակերպում, որտեղ ներգրավված են լինում բարձրակարգ շախմատիստներ, ինչպես նաև շախմատի մասսայականացումը հատկապես անընդհատ ավելացող մասնաճյուղերի միջոցով:

Վերջին նորությունները

ՍԵՎԱՆԱ ԼԻՃ - 2014

Ամսաթիվ: 2014-07-17

 Ս/թ. հուլիսի 26-ից օգոստոսի 4-ը Հայաստանի շախմատի ակադեմիան Հայաստանի շախմատի ֆեդերացիայի հետ համատեղ կանցկացնի «Սևանա Լիճ - 2014» XVI կարգի միջազգային մրցաշարը, որին կմասնակցեն միջազգային գրոսմայստերներ Հայաստանից և արտերկրից: Նրանք են Ալեքսանդր Արեշչենկոն և Յուրի Կուզուբովը (Ուկրաինա), Վլադիմիր Ֆեդոսեևը և Սանան Սյուգիրովը (Ռուսաստան), Վիդիթ Սանտոշ Գուջրաթին (Հնդկաստան), Հրանտ Մելքումյանը, Զավեն Անդրիասյանը, Ռոբերտ Հովհաննիսյանը, Սամվել Տեր-Սահակյանը և Հովհաննես Գաբուզյանը (Հայաստան):

Մրցաշարի ուղիղ խաղերին կարող եք հետևել տեղական ժամանակով ժամը 15:00-ից՝ այցելելով պաշտոնական կայքէջ՝  sevan.chessacademy.am:

ավելին...

ՍՏԵՓԱՆ ԱՎԱԳՅԱՆԻ ՀՈՒՇԱՄՐՑԱՇԱՐ

Ամսաթիվ: 2014-07-08

Ավարտվեց քաղաք Ջերմուկում ընթացող Ստեփան Ավագյանի հուշամրցաշարը: Մրցաշարին մասնակցում էին ավելի քան 300 պատանի շախմատիստներ Հայաստանից, ԼՂՀ-ից, Վրաստանից, Ռուսաստանից և Թուրմենիայից: Պայքարն ընթացավ 4 տարիքային խմբերում՝ 10, 12, 14 և 18: Մրցանակային տեղերը բաշխվեցին հետևյալ կերպ.

մինչև 10 տարեկաններ՝
1.Կաչարավա Նիկոլոզ՝ Վրաստան
2.Ղազարյան Րաֆֆի՝ Հայաստան
3.Հակոբյան Էդուարդ՝ Հայաստան

մինչև 12 տարեկաններ՝
1.Գևորգյան Ալբերտ՝ Հայաստան
2.Պեսոտսկի Միխայիլ՝ Ռուսաստան
3.Մանուկյան Ալեքս՝ ԼՂՀ

մինչև 14 տարեկաններ՝
1.Կյուրեղյան Դավիթ՝ Հայաստան
2.Դավթյան Արթուր՝ Հայաստան
3.Խաչատրյան Դավիթ՝ Հայաստան

մինչև 18 տարեկաններ՝
1.Տուտիսանի Նոյե՝ Վրաստան
2.Ղվամբերիա Նիկա՝ Վրաստան
3.Սիբաշվիլի Գիորգի՝ Վրաստան

Մրցաշարին մասնակից շախմատիստներից 5-ը՝ Ղազարյան Րաֆֆի (Մ-10), Գևորգյան Ալբերտ (Մ-12), Կյուրեղյան Դավիթ (Մ-14), Յայլոյան Կոնստանտին (Մ-16) և Դանիելյան Վահե (Մ-18) ստացան իրավունք մասնակեցելու հոկտեմբերի 18-29-ը Վրաստանում կայանալիք Եվրոպայի պատանիների առաջնությանը:



   

 

ավելին...

ՍՏԵՓԱՆ ԱՎԱԳՅԱՆԻ ՀՈՒՇԱՄՐՑԱՇԱՐ. ԲԱՑՄԱՆ ԱՐԱՐՈՂՈՒԹՅՈՒՆ

Ամսաթիվ: 2014-06-26

Այսօր՝ հունիսի 26-ին, ժամը 18:00-ին «Ջերմուկ Աշխարհ» առողջարանային համալիրում տեղի ունեցավ Ստեփան Ավագյանի հուշամրցաշար, Ջերմուկ-2014 IX մանկապատանեկան միջազգային բաց միցաշարի բացման հանդիսավոր արարողությունը: Բացման արարողությունը մեծապես նվիրված էր մեր շախմատային մեծ բարեկամ Ստեփան Ավագյանի հիշատակին: Դահլիճում, հիրավի, ջերմ մթնոլորտ էր տիրում՝ լի քաղցր, բարի հիշողություններով: Ցուցադրվեց տեսահոլովակ, որտեղ Ստեփան Ավագյանի ընկերները կիսվում էին վերջինիս հետ կապված իրենց մտքերով և հիշողություններով: Տեսահոլովակի ցուցադրությանը հետևեց մի փոքրիկ մշակութային ծրագիր:

Այսպիսով, մրցաշարի առաջին տուրը կմեկնարկի վաղը և կընթանա տարբեր տարիքային խմբերում: Մինչեւ 12, 14 և 18 տարեկան խմբերի խաղերը տեղի կունենան ամեն օր, ժամը 10:30-ին, իսկ մինչև 10 տարեկան խմբի խաղերը՝ ժամը 15:00-ին «Ջերմուկ Աշխարհ» առողջարանային համալիրի դահլիճում:

Ֆոտոշարքը կարող եք դիտել այստեղ:



   

 

ավելին...