Շախմատի միջազգային օրը Գաֆէսճեան քանդակների պարտեզում
2022-07-21Շախմատը միավորում է խաղ, արվեստ և գիտություն: Նա, ով կկարողանա իր մեջ համատեղել մարզիկի. արտիստի և գիտնականի ունակությունները, անպարտելի կլինի: - Տիգրան Պետրոսյան
Հուլիսի 20-ին, Շախմատի միջազգային օրվան ընդառաջ Հայաստանի շախմատի ֆեդերացիան Գաֆէսճեան քանդակների պարտեզում կազմակերպեց համաժամանակյա խաղ, որը բոլոր շախմատասեր անցորդներին հնարավորություն ընձեռնեց իրենց ուժերը փորձել oլիմպիական չեմպիոն Տիգրան Պետրոսյանի և միջազգային գրոսմայստեր Տիգրան Հարությունյանի հետ:
Նման միջոցառումները մշտապես զարկ են տալիս շախմատի կարևորության ընդգծմանն ու մասսայականացմանը։
