ՀՀ ՆԱԽԱԳԱՀԻ ԵՎ ԵՐԵՎԱՆԻ ՔԱՂԱՔԱՊԵՏԻ ԱՅՑԸ ՇԱԽԱՄՏԻ ԱԿԱԴԵՄԻԱ
2016-01-13
Այսօր՝ հունվարի 13-ին, ՀՀ նախագահ, Հայաստանի շախմատի ֆեդերացիայի նախագահ Սերժ Սարգսյանը և Երևանի քաղաքապետ, Երևանի շախմատի ֆեդերացիայի նախագահ Տարոն Մարգարյանը այցելել են Հայաստանի շախմատի ակադեմիա, ներկա գտնվել Անդրանիկ Մարգարյանին նվիրված 6-րդ հուշամրաշարին և դահլիճում հետևել պատանի մասնակիցների խաղին:
Նշենք, որ հուշամրցաշարի շրջանակներում անցկացվում են երկու մրցաշար՝ շվեյցարական և շրջանային: Շվեյցարական մրցաշարին այս տարի մասնակցում են շուրջ 770 պատանի շախմատիստներ Հայաստանի բոլոր մարզերից, ԼՂՀ-ից և Վրաստանից, իսկ շրջանային մրցաշարին՝ 10 ուժեղագույն պատանի շախմատիստներ Ուկրաինայից, Ռուսաստանից, Իրանից և Հայաստանից:
