Կրթական նոր համագործակցություն՝ ուղղված մարզերում մասնաճյուղերի բացմանը

Յուրաքանչյուր երեխա արժանի է սովորելու, զարգանալու և մեծ երազանքներ ունենալու հնարավորությանը։

Տասնամյակներ շարունակ Հայաստանի շախմատի ակադեմիան շախմատի կրթությունը հասանելի է դարձրել հազարավոր երեխաների համար ողջ Հայաստանում։ Սակայն տարիների ընթացքում բազմաթիվ մասնաճյուղեր փակվել են, և շատ երեխաներ զրկվել են այդ հնարավորությունից։

Մենք ցանկանում ենք փոխել այս իրավիճակը։

Syun Foundation-ի հետ համատեղ մեկնարկում ենք նոր նախաձեռնություն՝ վերականգնելու շախմատի կրթությունը մարզերում՝ սկսելով սահմանամերձ համայնքներից։

Առաջին քայլը Սյունիքի մարզի Կոռնիձոր և Վաչագան գյուղերում Հայաստանի շախմատի ակադեմիայի նոր մասնաճյուղերի հիմնումն է։

Եթե դուք նույնպես հավատում եք կրթության ուժին և ցանկանում եք նպաստել մեր երեխաների ապագային, միացե՛ք նախաձեռնությանը։ Յուրաքանչյուր նվիրատվություն, անկախ չափից, մեզ մեկ քայլով մոտեցնում է մեր նպատակին։

Աջակցե՛ք նախաձեռնությանը Syun Foundation-ի հարթակի միջոցով և օգնե՛ք շախմատը վերադարձնել այն համայնքներ, որտեղ այն ամենաշատն է անհրաժեշտ՝ ՍԵՂՄԵՔ ԱՅՍՏԵՂ։